Эрхлэгч С. Алимаа, арга зүйч Б. Энхжаргал нар нь Сайхан-Овоо, Дэлгэрхангай, Хулд, Луус сумын цэцэрлэгийн багш ажилчид, эцэг эх асран хамгаалагч нарт “Бага насны хүүхдийн цогц хөгжил” сэдэвт сургалтыг танхимаар зохион байгууллаа. Сургалтын явцад эцэг эхчүүд хүүхдийн насны онцлогийг мэдэх, насанд нь тохирсон бие даах чадварыг хүүхдэдээ эзэмшүүлэх, сэтгэлийн хөдөлгөөнөө илэрхийлж сурахад нь туслах, хүүхэдтэйгээ хамтран тоглох, ярилцах, дэмжих талаар мэдлэгээ тэлж өдөр тутамдаа хэрэгжүүлэх  аргад суралцан, харилцан туршлага солилцлоо. Сургалтад нийт 124 эцэг эх асран хамгаалагч нар хамрагдсан.