Дундговь аймаг
Эцэг эх, асран хамгаалагч нарт сурагч бүрийн сурлагын гарааны үнэлгээ, хичээлийн идэвх оролцоо, төлөвшил хүмүүжлийн талаар мэдээлэл өгөх, тэдний санал бодлыг сонсох, эцэг эх, асран хамгаалагч, мэргэжлийн багш нарын харилцааг ойртуулах зорилгоор “Эцэг эх, асран хамгаалагч- Мэргэжлийн багш нарын уулзалт” үйл ажиллагааг 2022 оны 10 сарын 22-ноос 10 сарын 25 ны өдрүүдэд дунд ангийн багш нар зохион байгууллаа.
6-9 р ангийн 99 эцэг эх асран хамгаалагч оролцохоос 85 эцэг эх асран хамгаалагч оролцож хүүхдийнхээ сурлагын байдал, төлөвшил хүмүүжил, анхаарах асуудал зэргийн талаар мэргэжлийн багш нараас мэдээлэл авч, цаашид хэрхэн хамтран ажиллах талаар санал солилцон ярилцлаа. Хүүхдийнхээ сайн сайхны төлөө цаг зав гарган идэвхтэй хамрагдсан эрхэм хүндэт эцэг эх, асран хамгаалагч та бүхэндээ баярлалаа.