Л.Оюун эрхлэгчтэй Сайнцагаан сумын 8 дугаар цэцэрлэг нь “Эрүүл эрүүл мэндийг дэмжигч байгууллага” 2-р зэргийн болзолыг хангалаа. Тус байгууллага нь “Эрүүл мэндийг дэмжигч байгууллага” болох зорилт тавин сүүлийн 5 жил ажлын байрандаа эрүүл мэндийг дэмжигч орчин бүрдүүлэх үйл ажиллагааг идэвх, санаачлагатай хэрэгжүүлэн ажиллаж байгаа юм. Эрүүл мэндийг дэмжих бодлогыг хэрэгжүүлэн, ажлын байрандаа эрүүл, аюулгүй, таатай орчин нөхцлийг бүрдүүлэх, ажиллагсдын эрүүл мэндийг дэмжих, хамгаалах, халдварт болон халдварт бус өвчлөлөөс урьдчилэн сэргийлэх, амьдралын эрүүл зөв зан үйлийг сурталчлах, төлөвшүүлэх талаар зохион байгуулсан ажлаараа шалгарчээ. Тус цэцэрлэгийн ахмад настан Ж.Энхмандалын гэр бүл нь идэвхтэй дасгал хөдөлгөөнөөр хичээллэн, эрүүл зөв зохистой хооллолт, амьдралын эрүүл зан үйлээрээ манлайлан аймгийн "Эрүүл мэндийг дээдлэгч өрх гэр бүл"-ээр шалгарсан байна.