"Жендэрт суурилсан хүчирхийллээс урьдчилан сэргийлэхэд хөвгүүд, эрэгтэйчүүдийг татан оролцуулах нь" бичил төсөл 05-р сарын 1-ээс хэрэгжиж байна. Энэ хүрээнд аймгийн НБХэлтэс, ЭМГ, ГБХЗХГ хамтран Сайнцагаан сумын 9 багийн эрчүүдийн төлөөллийг оролцуулан жендэрийн тухай ойлголтыг нэмэгдүүлэх, жендэрт суурилсан хүчихийлэлийг өөгшүүлж буй уламжлалт сөрөг үзэл хандлага, зан үйлийг өөрчлөх зорилготой уулзалт зохион байгууллаа.

Уулзалтад сургагч багш нар, ЭМГазар Ц.Энхсайхан, Говь-Сүмбэр аймгийн Эрэгтэйчүүдийн холбооны тэргүүн Т.Болдбаатар нар оролцож, суманд эрэгтэйчүүдийн холбоо байгуулах эрхзүйн орчинг судлах зөвлөмж мэдээллийг өглөө. Сумын хэмжээнд 7959 эрэгтэй ажиллаж, амьдарч байгаагаас харьяа байгууллагуудын 622 албан хаагчдын 138 нь эрэгтэй байна.