Манай сумын нутаг дэвсгэрт үлийн цагаан оготны тархалт жил ирэх тусам нэмэгдэж байгаа нь бэлчээрийн доройтолд оруулах ЦӨЛЖИЛТ үүсэхэд нөлөөлж байна.

Орон нутгийн бэлчээр усаа хамгаалах, байгаль орчинд ээлтэй аргаар тэмцэх зорилгоор 2022 оны Малын тоо толгойн албан татварын эх үүсвэр 5.000.000 төгрөгийн хөрөнгө оруулалтаар 24 ширхэг шувууны суултыг Суварга багийн 14 цэг, Наран багийн 3 цэг, Буянт багийн 7 цэгт байршуулсан бөгөөд шувууд нүүдэллэн ирж үүрээ зассан байна.

Нэг Идлэг шонхор шувуу өдөрт 13- 60 ширхэг үлийн цагаан оготно иддэг бөгөөд шувууны суулт байршуулснаар махчин шувуудын тоо нэмэгдэж, мэрэгчдийн тоо толгой цөөрөх ач холбогдолтой.