Сургалтанд сумын Засаг дарга Т.Ариунаа, СНБМ-г түр орлон гүйцэтгэгч Н.Болор-Эрдэнэ, хэсгийн цагдаа Б.Наранбаатар, их эмч Н.Долгорсүрэн нар хамрагдав.“Хүүхэд эмэгтэйчүүдийн эсрэг гэр бүлийн хүчирхийлэлтэй тэмцэх” төслийн хүрээнд Хууль зүй, дотоод хэргийн яам, Монгол Улсад гэмт хэргээс урьдчилан сэргийлэх ажлыг зохицуулах зөвлөл, аймгийн ИТХ-тай хамтран Хамтарсан багийн гишүүдийг чадавхжуулах, чиг үүрэг, хамтын ажиллагааны талаарх мэдлэг, ойлголтыг дээшлүүлэх зорилгын дор уг сургалтыг аймагтаа зохион байгуулж байгаа юм.

“Алсын хараа – 2050” Монгол улсын урт хугацааны хөгжлийн бодлогод тусгасан эрүүл Монгол хүний суурь үндэс болсон хоол хүнсний чанар, хүртээмжийг сайжруулах, оролцогч талуудын хамтын ажиллагааг дэмжих зорилгоор аймгийн Засаг даргын Тамгын газар, Тогооч нарын холбооны “Галт билэг” ТББ хамтран Дундговь аймгийн Хоол үйлдвэрлэл, үйлчилгээний салбарын ажилчдын зохион байгуулсан зөвлөгөөнд оролцлоо. Зөвлөгөөнд Монголын тогооч нарын холбоо, аймгийн Хүнс, хөдөө аж ахуйн газар, Стандарт хэмжил зүйн газар, Боловсрол, шинжлэх ухааны газар, Политехникийн коллеж хамтран оролцож, 13 сумын 84 тогооч хамрагдав. Тус зөвлөгөөнөөр салбарын ажилчдын өнөөгийн байдал, тулгамдаж буй асуудлыг хэлэлцэн, уриалга гаргасан байна.Говь-Угтаал сумаас Эрүүл Мэндийн Төвийн тогооч-1, Ерөнхий боловсролын дунд сургуулийн тогооч-2, аж ахуйн нэгжээс 1 тогооч тус тус хамрагдлаа.

Анхдугаар Үндсэн хуулиа баталж, Бүгд найрамдах улс тунхагласны 99 жилийн ойд зориулан аймгийн Засаг даргын Тамгын газар, Үндэсний бөхийн холбооноос хүчит бөхийн барилдааныг энэ сарын 25-ны өдөр Мандалговь хотноо зохион байгууллаа. Энэхүү барилдаанд улс, аймгийн алдар цолтой 48 бөх зодоглосноос Дундговь аймгийн Эрдэнэдалай сумын харьяат Улсын өсөх идэр начин Э.Даш 6 даван түрүүлж, Өвөрхангай аймгийн Уянга сумын харьяат Улсын харцага Х.Гантулга үзүүрлэжээ. Их шөвөгт Өмнөговь аймгийн Баяндалай сумын харьяат Аймгийн арслан Т.Төгсдөлгөөн шалгарсан юм. Барилдааны үеэр энэ жил гадаад дотоодын тэмцээн, баяр наадмаар амжилт гаргасан бөхчүүддээ аймгийн Засаг дарга Ц.Мөнхбат хүндэтгэл үзүүлж, мөнгөн шагнал, нутгийн брэнд Агар хувинг дурсгав.

11 дүгээр сарын 27нд Үлгэрийн баатрууд амилсан нь дүрийн тоглолт 2-9р ангийн сурагчдын дунд зохион байгуулагдлаа. Тоглолтод тухайн ангиуд сугалсан кино болон үлгэрийн дүрээ амилуулан тоглолоо. Бага ангиас Цацралмаа багштай 2а анги Аманцар эхнэр үлгэрээр 114 оноогоор 1-р байр Дунд ангиас Ганзул багштай 7а анги Цахилж яваа гөрөөс зохиолоор 101 оноогоор 2-р байр тус тус шалгарлаа. Шилдэг дүрийн эзэнээр 7а ангийн сурагч Наранбадрал Цахилж яваа гөрөөс киноны ХҮҮГИЙН дүрээр тодров. Мөн энэ уралдааны нэг үзүүлэлт болох Том ном хийх номинацад 1-р байрт Цацралмаа багштай 2а ангийн ном, Пүрэвсүрэн багштай 5а ангийн ном, 3-р байрт Тэгшжаргал багштай 4а ангийн номнууд тус тус шалгарлаа.