Дундговь аймгийн Засаг Даргын Тамгын Газар

Хуудас:  1   2   3   4   5  .... ( 68 мэдээ )

2016 онд хүүхэд харах үйлчилгээний тухай хуулийг орон нутагт хэрэгжүүлэх ажлыг зохион байгуулж, "ХҮҮХЭД ХАРАХ ҮЙЛЧИЛГЭЭ ЭРХЛЭГЧ"-ийг бэлтгэх 2 удаагийн сургалтанд 22 хүнийг хамруулж, “Гэрчилгээ” олгосон билээ. Хөдөлмөр, нийгмийн хамгааллын яамны сайд, сангийн сайдын 2017 оны 03 дугаар сарын 21-ны өдрийн А/141/89 тушаалаар аймаг, нийслэлийн хэмжээнд хүүхэд хамрагдах хүүхдийн тооны хязгаарыг батлан гаргасны дагуу Дундговь аймгийн Сайнцагаан суманд "ХҮҮХЭД ХАРАХ ҮЙЛЧИЛГЭЭ"-г 1 иргэн эрхэлж байгаа бөгөөд 2-5 насны 5 хүүхэд хамрагдаж байна. Гэр бүл хүүхэд залуучуудын хөгжлийн газраас улирал тутамд үйл ажиллагаатай танилцаж, үйлчилгээний байрны гадна, дотно орчин, хүүхэд харах үйлчилгээний үндсэн болон нийтлэг шаардлага, хоол, хүнс, эрүүл ахуй, эрүүл мэнд, хүүхэдтэй харилцах, харилцаа хандлага, анхан шатны санхүүгийн баримт зэрэгт хяналт, үнэлгээ хийн ажиллаж байна.

дэлгэрэнгүй

Бага боловсролын эх хэл, математик, байгалийн ухааны сургалтын чанар, үр дүнг сайжруулахад сургуулийн түвшинд төлөвлөлтийг бэхжүүлэх замаар сургалтын чанарыг сайжруулах зорилготой. Дэлхийн банкны санхүүжилттэй "Сургуулийн тэтгэлэгт хөтөлбөр" төслийн 1,2 дахь үе шатанд манай аймгийн 19 сургууль хамрагдаж 120 сая орчим төгрөгийн хөрөнгө оруулалт хийгдээд байна. Төслийн 3 дахь шатны шалгаруулалтанд анхаарах асуудал, шалгаруулалтын журамтай танилцаж 2-р төслийн тайланг ямар байдлаар хүргүүлж ажиллах талаарх сургалтыг 2017 оны 03 сарын 13-нд Боловсрол, соёл, урлагийн газар зохион байгууллаа. Сургалтын үеэр Дэлхийн банкны суурин төлөөлөгч, Сургуулийн тэтгэлэгт хөтөлбөр хариуцсан мэргэжилтэн Хишигбуян нар хүрэлцэн ирж газар дээр нь Луус, Дэлгэрцогт, Сайнцагаан сумын 3-р сургуулийн үйл ажиллагаатай танилцаж төслийн явцад хяналт шинжилгээ хийлээ.

дэлгэрэнгүй

-       СӨНасны хүүхдүүдийн дунд “Дэгдээхэй нас” хүүхдийн дууны уралдаан зохион явууллаа. Тус уралдаанд нийт 16 хүүхэд багачууд оролцсон.

дэлгэрэнгүй

Ерөнхий боловсролын сургуулийн Сургалтын менежерүүдийн дунд “Боловсролын талаар баримтлах бодлого, төлөвлөлт-Тогтвортой хөгжлийн боловсрол” сургалтыг 2017 оны 02 сарын 09-нөөс 10-ны өдрүүдэд зохион байгууллаа. Сургалтанд 19 сургуулийн 29 сургалтын менежерүүд оролцлоо. Сургалтаар Боловсролын талаар баримтлах бодлого чиглэл, боловсрол, соёл, урлагийн салбарт 2017 онд дэвшүүлсэн зорилт, ажил үйлчилгээтэй танилцаж, хэрэгжүүлэх арга зүйд суралцлаа. Мөн ЕБС-ийн сургалтын хөтөлбөр үйл ажиллагаанд тогтвортой хөгжлийн боловсрол, амьдрах ухаанд суурилсан эрүүл мэндийн боловсролын агуулга арга зүйг тусган хэрэгжүүлэх ажлын чиглэл, төлөвлөгөөний төсөл боловсруулан ойлголтоо нэгтгэж авлаа.

дэлгэрэнгүй

Дундговь аймгийн Дэрэн, Говь-Угтаал сумын сургуулийн захирал, Өлзийт, Луус сумын цэцэрлэгийн эрхлэгчийн ажлын байрны сонгон шалгаруулалтыг 2017 оны 02 дугаар сарын 08-ны өдөр зохион байгуулж ажиллалаа. Уг сонгон шалгаруулалтанд 6 хүн оролцсноос Дэрэн суманд Д.Мөнхтогтох, А.Мөнхбаатар, Говь-Угтаал суманд Б.Оюунтөгс нар сургуулийн захиралын ажлын байранд шалгарлаа.

дэлгэрэнгүй

Ерөнхий боловсролын сургууль, цэцэрлэг, “Тэнгэрийн тэмдэг” хүүхдийн театрын хөгжим, дууны багш нарт хүүхдийн хөгжил төлөвшил, хамгааллын чиглэлээр, хүүхэдтэй ажиллах арга зүйн мэдлэг чадвар олгох зорилгоор 2017 оны 01-р сарын 30-31-ний өдрүүдэд “Хүүхэд хамгаалал, сэтгэл зүйн дэмжлэг үзүүлэх арга зүй” сэдэвт сургалтыг амжилттай зохион байгууллаа.

Тус сургалтыг Дундговь ОНХХ, аймгийн Боловсрол, соёл, урлагийн газар хамтран зохион байгуулж, нийгмийн ажилтны “Оюуны гэгээ” нийгэмлэгийн гишүүн Т.Цэцэгчимэг, Н.Одончимэг, Д.Дулмаа, Н.Мөнхцэцэг, Б.Цэцэг, БСУГ-ын мэргэжилтэн Х.Цогзолмаа, А.Мөнхтуяа нар сургагч багшаар ажиллалаа.

Хүүхэд хамгаалал, хүүхдийн нас сэтгэхүйн онцлог, нийгэм сэтгэл зүйн хэрэгцээ, өсвөр насны хүүхдийн харилцаа, оролцоо, бүлэг хамт олныг нэгтгэх, эерэгжүүлэх арга зүй, хүүхэд хамгааллын талаар хөгжмийн багш нарт тулгамдаж буй асуудал, "Хөгжмийн багшийн заах арга зүйг сайжруулах нь" зэрэг агуулгаар сургалтыг зохион явууллаа.

Нийт 19 сургуулийн 18, 9 цэцэрлэгийн 9, хүүхдийн театрын багш 4 бүгд 31 хөгжмийн багш хамрагдан, 7 сургагч багш хичээл заалаа.

Сургалтын хөтөлбөрт багш хүүхэдтэй, хүүхэд хүүхэдтэй харилцах хандлага, харилцааг эерэгжүүлэн дэмжих талаар дадлага ажил болох ЕБС, СӨБ-ийн хөгжмийн хичээлийг зааж, хэлэлцүүлгийг хийсэн.

Мөн хөгжмийн багш нарт хүүхэд хамгааллын талаар тулгамдаж байгаа асуудлыг нэгтгэн хэлэлцэж, шийдэх арга замыг тодорхойлон холбогдох байгууллага, хариуцах эзэнд хандлаа.

    15 сумын сургууль цэцэрлэг, БСУГ-ын нийт 22 хөгжмийн багш 2017 оны 01-р сарын 29-өөс 02-р сарын 03-ны өдрүүдэд ардын найрал хөгжмийн сургалтад хамрагдан,  тайлан тоглолтоо ТХДЖТ-т хийж, олон нийтэд сурталчиллаа.

    Найрал хөгжмийн сургагч багшаар Тэнгэрийн тэмдэг хүүхдийн театрын хөгжмийн багш Б.Эрдэнэбаяр, СУИС-ийн багш, удирдаач нар ажиллалаа.

    • Найрал хөгжмийн сургалтын үеэр...

    1911 оны үндэсний эрх чөлөөний хөдөлгөөний зүтгэлтэн, Халхын хүрээний бүх Хэргийг Түр Ерөнхийлөн Шийтгэх Газрын дарга, Монгол улсын Сангийн анхны сайд, Түшээт Хошой Чин ван Г.Чагдаржавын (1869-1915) гавьяаг хүндэтгэн дурсаж, мөнхжүүлэх, өсвөр хойч үед таниулан сурталчлах, сурагчдыг түүх, нийгмийн ухааны хичээлд дур сонирхолтой болгох, чанар, үр өгөөжийг нэмэгдүүлэх зорилгоор Сайнцагаан сумын Мандал сургууль, Чагдаржав сангийн хамтран 2017 оны 1 сарын 28-ны өдөр зохион байгуулсан олимпиадад Улаанбаатар хотын Гурван тамир, Шинэ монгол, Хэнтий аймгийн 1-р сургууль, Дундговь аймгийн Эрдэнэдалай, Сайхан-Овоо, Луус, Өлзийт, Гурвансайхан, Дэлгэрхангай, Адаацаг, Сайнцагаан сумын Мандал, МГСС, ГИЦС, ЭДЦС, 3-р сургууль, МСҮТ-ийн 300 гаруй багш, сурагчид оролцлоо. Түүхийн хичээлийн төрөлд Эрдэнэдалай сумын сургуулийн сурагчид, нийгмийн ухааны төрөлд ЭДЦС, Хэнтий аймгийн сурагчид, түүхийн багшийн төрөлд 3-р сургуулийн багш Б.Ганцэцэг, ЭДЦС-ийн багш Д.Цэцэгбадам, МГСС-ийн багш Т.Мөнхбат, нийгмийн ухааны багшийн төрөлд Мандал сургуулийн захирал М.Энхбаяр, МСҮТ-ийн багш Ц.Одончимэг, МГСС-ийн багш Т.Мөнхбат нар эхний байруудад шалгарлаа. Багийн нийт дүнгээр Эрдэнэдалай сумын сургуулийн Х.Бямба-Од багштай баг тэргүүн байр эзэлж шилжин явах цом гардаж авлаа. 

      Сайнцагаан сумын Улсын Тэргүүний 3-р цэцэрлэгийн багш нар 1 сарын хугацаанд хүүхдийн сонирхол хэрэгцээнд нийцсэн хөгжүүлэх тоглоомуудыг эцэг эх асран хамгаалагчдын хамтаар хийж бүтээлээ. Цэцэрлэгийн хэмжээнд 103 төрлийн 2730 ширхэг тоглоомыг хүүхдийн бие бялдар , оюун ухаан, нийгэмшихүйн хөгжлийг хангах түвшинд тохируулан хийж бүтээсэн байна. 
      Тоглоом бүтээх ажилд багш нараас гадна тус цэцэрлэгийн аж ахуйн албаныхан бүгд оролцжээ.

      дэлгэрэнгүй

      2017 оны аймгийн төрөлжсөн олимпиадын эхлэл болох Орос хэлний олимпиад 2017 оны 01 сарын 20-ны өдөр боллоо. Уг олимпиадад 15 сургуулийн 9-р ангийн 65, 12-р ангийн 15 сурагч, багш 16 оролцсноос багшийн төрөлд Говийн ирээдүй цогцолбор сургуулийн багш С.Ариунаа, Эрдэнэдалай сумын сургуулийн багш Ш.Мажигсүрэн, Математикийн гүнзгийрүүлсэн сургалттай 4-р сургуулийн багш Б.Урансайхан нар тэргүүллээ. 12-р ангийн сурагчдын төрөлд Эрдэнэдалай сумын сургуулийн сурагч Ц.Чанцалдулам, Математикийн гүнзгийрүүлсэн сургалттай 4-р сургуулийн сурагч Б.Хулан, Х.Хашбат нар тэргүүлсэн бол 9-р ангийн сурагчдын төрөлд Дэрэн сумын сургуулийн сурагч Ж.Энхжин, Гурвансайхан сумын сургуулийн сурагч М.Гаамаа, Эрдмийн далай цогцолбор сургуулийн сурагч Б.Дэлгэрмаа нар бусдыгаа хошуучлан оролцлоо. Улсын олимпиад 2017 оны 02 дугаар сарын 20-нд Улаанбаатар хотноо болно.

        Хуудас:  1   2   3   4   5  .... ( 68 мэдээ )

        Цахим санал, өргөдлийн систем

        www.7059106.mn

        Санал хүсэлт илгээх

        Санал асуулга

        ҮХАА-н газрын үйл ажиллагааны хэрэгжилтэд Та ямар үнэлгээ өгөх вэ?

        Үр дүнг харуулах