Дундговь аймгийн Засаг Даргын Тамгын Газар

Хуудас:  1   2   3   4   5  .... ( 118 мэдээ )

Голбаль сангийн дэмжлэгтэйгээр хэрэгжиж буй сүрьеэгийн төслийн хүрээнд Эрүүл мэндийн яам, Халдварт өвчин судлалын үндэсний төвөөс Нэгдсэн эмнэлгийн сүрьеэгийн диспансер, Дэлгэрцогт, Хулд, Луус сумын Эрүүл мэндийн төвд сүрьеэгийн эрт илрүүлэлт, сорьц тээвэрлэлтэнд дэмжлэгт хяналт хийлээ. Дэмжлэгт хяналтыг аймгийн Эрүүл мэндийн газар, сүрьеэгийн диспансер, сумын Эрүүл мэндийн төвийн, сорьц тээвэрлэлтийг хариуцсан мэргэжилтэнүүдийн түвшинд хийж, газар дээр нь зөвлөмж өгч, ажлын байрны богино хугацааны сургалтыг зохион байгууллаа.

 

дэлгэрэнгүй

Эрүүл мэндийн газраас хөгжлийн бэрхшээлтэй хүүхдүүдийн эрүүл мэндийг дэмжин хамгаалах, дасгал хөдөлгөөнөөр тогтмол хичээллүүлэн хөдөлгөөн засал болон сэргээн засах эмчилгээнд тогтмол хамруулах ээлтэй орчин бүрдүүлэх зорилгоор “Бид нэг тэнгэртэй” төслийг бичин Дэлхийн зөн Дундговь хөгжил хөтөлбөрт тавьж 8,5 сая төгрөгийн тоног төхөөрөмжийн хангалтыг авч “Хөгжлиийн бэрхшээлтэй хүүхдийн сэргээн засах төв”-ийг байгууллаа.

Эрүүл мэндийн газар “Хөгжлийн бэрхшээлтэй хүүхдийн сэргээх засах төв”-ийг өөрийн байранд тулгуурлан төслөөр байгуулж байгаа бөгөөд мэргэжлийн удирлага, арга зүйгээр ханган, эмч, сувилагчийг ажиллуулж байгаа юм.

2016 оны 12 дугаар сарын 22-ны өдөр Эрүүл мэндийн газар, Дэлхийн зөн Дундговь хөгжил хөтөлбөр хамтран “Хөгжлийн бэрхшээлтэй хүүхдийн сэргээн засах төв”-ийн нээлтийг хийж, мэдээллийн өдөрлөгийг зохион байгууллаа.

Мэдээллийн өдөрлөгт аймгийн ЗДТГ-ын Нийгмийн хөгжлийн хэлтсийн дарга Эрдэнэсүрэн, Эрүүл мэндийн асуудал хариуцсан мэргэжилтэн Хулан, Халамж үйлчилгээний хэлтсийн дарга Лхагвадорж, Сайнцагаан сумын ЗДТГ-ын Хөгжлийн бэрхшээлтэй иргэдийн асуудал хариуцсан мэргэжилтэн Шүрэнцэцэг, аймгийн Хөжлийн бэрхшээлтэй иргэдийн хорооны дарга Эрдэнэ, Хөгжлийн бэрхшээлтэй хүүхэдтэй эцэг, эхчүүдийн холбооны тэргүүн Батсайхан нар болон хөгжлийн бэрхшээлтэй хүүхдүүд, эцэг, эхчүүд оролцлоо.

Мэдээллийн өдөрлөгөөр Эрүүл мэндийн газраас “Бид нэг тэнгэртэй” төсөл, “Хөгжлийн бэрхшээлтэй хүүхдийн сэргээн засах төв”-ийн хэрэгжүүлэх үйл ажиллагааны талаар мэдээлэл хийж, хөгжлийн бэрхшээлтэй хүүхдүүдэд үзүүлэх тусламж үйлчилгээнд салбар дундын оролцоо чухал байгааг онцоллоо.

Дэлхийн зөн Дундговь хөгжил хөтөлбөрийн санхүүгийн дэмжлэгтэй хөгжлийн бэрхшээлтэй хүүхдүүдийн дунд “Шинэ жил” сэдэвт гар зургийн уралдааныг зохион байгуулж, эхний 5 байранд орсон хүүхдүүдийг шагнаж урамшуулсны дээр нийт хүүхдүүдэд шинэ жилийн бэлгийг гардууллаа.

ЭРҮҮЛ МЭНДИЙН ГАЗАР

дэлгэрэнгүй

Аймгийн Эрүүл мэндийн салбарын 2016 онд дэвшүүлсэн “Нийгмийн эрүүл мэндийн тусламж үйлчилгээг сайжруулж хавдрын өвчлөл, эндэгдлийг бууруулъя” зорилтот ажлын хүрээнд Хавдар судлалын үндэсний төвтэй хамтран “Хавдрын айдасгүй амьдралын төлөө хамтдаа” зөвлөгөөнийг 2016 оны 12 сарын 09-ны өдөр Эрүүл мэндийн газрын “Эрүүл амьдрах ухаан” сургалтын төвд зохион байгуулж байна.
Зөвлөгөөнд аймгийн Нэгдсэн эмнэлэг, УАУТөв, ЗӨСТөв, сум өрхийн эрүүл мэндийн төвүүдийн эмчлэгч эмч, нийгмийн эрүүл мэндийн тусламж үйлчилгээ хариуцсан эмч нар нийт 75 хүн оролцож байна.
Зөвлөгөөнөөр жилийн зорилтод ажлын хүрээнд салбарын хэмжээнд хэрэгжүүлсэн үйл ажиллагааг дүгнэн хэлэлцэж, хорт хавдрыг хянах дэд хөтөлбөр, зонхилон тохиолдох хавдрын өвчлөлүүдийн оношлогоо эмчилгээ, хөнгөвчлөх тусламж үйлчилгээ, өвдөлт намдаах эмчилгээний менежментээр эмч эмнэлгийн ажилтнуудад сургалт өглөө.

дэлгэрэнгүй

Улаанбурхан  улаануудын эсрэг дархлал тогтоцын судалгаа манай аймагт 2016 оны 11 сарын 17-ны өдрөөс эхлэн сонгогдсон Эрдэнэдалай сумын “Сангийн далай” 6-р баг, Дэлгэрхангай сумын “Толь” 1- баг, Говь-Угтаал сумын “Морьт” 2-р баг, Сайнцагаан сумын “Мандал” 9-р баг,  Хулд сумын “Уул” 3-р баг,  Дэрэн сумын “Саруул” 2-р багуудад  тус тус аймгийн статистикийн хэлтэс, сумын эрүүл мэндийн төвүүдээс хамтарсан судалгааны баг гарч ажиллан 12 сарын 01-ний өдөр амжилттай хийж  дуусгалаа. Сонгогдсон 6 сартайгаас 35 насны нийт 242 иргэнээс сорьцыг аван Халдварт өвчин судлалын үндэсний төвд хүргүүллээ.
Судалгааг орон нутагтаа амжилттай хийж ажилласан аймгийн Статистикийн хэлтсийн болон Говь-Угтаал, Эрдэнэдалай сумдын сум дундын эмнэлэг, Сайнцагаан, Дэрэн, Дэлгэрхангай, Хулд сумдын эрүүл мэндийн төвийн хамт олондоо талархал илэрхийлж, ажлын амжилт хүсье.

дэлгэрэнгүй

12 дугаар сарын  01 –ний өдөр дэлхий нийтээрээ ДОХ-ын эсрэг анхаарал хандуулах өдөр   ХДХВ/ДОХ-оос УРЬДЧИЛАН СЭРГИЙЛЭЛТ:
ХДХВ-ийн халдвар авахаас дараах аргаар урьдчилан сэргийлнэ. Үүнд:

1. Эрэгтэй, эмэгтэй бэлгэвч хэрэглэх
Бэлгийн хавьтлын үед эр, эм бэлгэвчийг тогтмол зөв хэрэглэх нь ХДХВ болон бэлгийн замаар дамжих халдвараас сэргийлнэ. Эрэгтэй бэлгэвчийг тогтмол зөв хэрэглэхэд ХДХВ болон БЗДХ-аас 85% хамгаалдаг гэсэн тоо баримт байдаг.

2. ХДХВ болон БЗДХ илрүүлэх шинжилгээ
Эрсдэлд өртсөн хүмүүс ХДХВ, БЗДХ авсан эсэхээ мэдэх цорын ганц арга нь шинжилгээ өгөх бөгөөд ингэснээр цаг алдахгүй урьдчилан сэргийлэх арга хэмжээ авах, эмчилгээнд хамрагдах боломжтой болно. ХДХВ-ийн халдвар илрүүлэх шинжилгээ өгснөөр өөртөө итгэлтэйгээр амьдарч, гэр бүл, хайртай дотны хүмүүсээ халдварын эрсдлээс хамгаалах нь таны үүрэг хариуцлага юм.

3. ХДХВ-ийн эсрэг эмчилгээг урьдчилан сэргийлэлтэд хэрэглэх
3.1. Өртөлтийн өмнөх сэргийлэлт:
Бэлгийн хосын нэг нь ХДХВ-ийн халдвартай, нөгөө нь халдваргүй үед ХДХВ-ийн халдваргүй хүнийг ХДХВ-ийн эсрэг эмчилгээнд хамруулж өртөлтийн өмнөх урьдчилан сэргийлэлт хийнэ. Мөн өндөр эрсдэлт бүлэг болох эрэгтэйчүүдтэй бэлгийн хавьталд ордог эрэгтэйчүүд (ЭБЭ) бүлгийг ХДХВ-ийн өртөлтийн өмнөх урьдчилан сэргийлэлтэд оруулахыг Дэлхийн эрүүл мэндийн байгууллагаас зөвлөж байна.
3.2. Өртөлтийн дараах сэргийлэлт:
ХДХВ-ийн халдварын эрсдэлд өртсөнөөс хойш 72 цагийн дотор халдварыг таслан зогсоох зорилгоор эмчилгээнд хамруулахыг өртөлтийн дараах сэргийлэлт гэж хэлнэ. Дэлхийн эрүүл мэндийн байгууллагын зөвлөмжид өртөлтийн дараах сэргийлэлтийг хүүхэд болон насанд хүрэгчдэд ажил мэргэжилтэй холбоотой болон холбоотой бусаар (ажил үүргээ гүйцэтгэж байх, хамгаалалтгүй бэлгийн хавьталд орох, бэлгийн хүчирхийлэлд өртөх гэх мэт) ХДХВ-ийн халдвар авах эрсдэлд өртсөн тохиолдол бүрт бүрэн хамруулахыг онцгойлон заасан байна.

4. Хар тамхи, мансууруулах бодисыг судсаар тарьж хэрэглэгчдэд ХДХВ-ийн халдвар авах эрсдэл, хор хөнөөлийг бууруулах
Хар тамхи, мансууруулах бодисыг судсаар тарьж хэрэглэдэг хүмүүс нэг удаагийн тарилгын хэрэгсэл, зүү тариур хэрэглэснээрээ ХДХВ-ийн халдвар авах эрсдэлээс сэргийлж болно.

5. ХДХВ-ийн халдвартай эхээс хүүхдэд урьдчилан сэргийлэх
ХДХВ-ийн халдвартай эхээс хүүхдэд урьдчилан сэргийлэх эмчилгээ хийгээгүй бол жирэмсний үед, төрөх үед халдвар дамжих эрсдэл 15%-45%, төрсний дараа хөхний сүүгээр дамжин халдварлана. Эх ба хүүхдийг ХДХВ-ийн эсрэг эмчилгээнд хамруулснаар халдвар дамжих эрсдлийг бүрэн зогсоох боломжтой.

дэлгэрэнгүй

Жил бүрийн 12 дугаар сарын 1-ний өдрийг Дэлхий нийтээрээ ДОХ-ын эсрэг анхаарлаа хандуулах өдөр болгон тэмдэглэдэг бөгөөд 2016 онд “ХДХВ, ДОХ-оос сэргийлэх нь та бидний гарт” уриа дэвшүүлэн ажиллаж байна.

ХДХВ/ДОХ-ЫН ТАРХАЛТ: /Эх сурвалж: Дэлхийн эрүүл мэндийн байгууллага, НҮБ-ын ДОХ-ын нэгдсэн хөтөлбөр/

Дэлхийд 2015 онд:
• 36.7 САЯ ХҮН ХДХВ-ИЙН ХАЛДВАРТАЙ АМЬДАРЧ БАЙНА.
• 2.1 САЯ ХҮН ЖИЛД ХДХВ-ИЙН ХАЛДВАР ШИНЭЭР АВЧ БАЙНА.
ХДХВ-ийн халдвар шинээр авч байгаа хүн 2000 онд 3,1 сая, 2010 онд 2,2 сая, 2015 онд 2,1 сая болж буурчээ.
• 17 САЯ ХҮН ДОХ-ЫН РЕТРОВИРУСЫН ЭСРЭГ ЭМЧИЛГЭЭНД ХАМРАГДСАН.
2015 оны 6 сард 15.8 сая хүн Ретровирусын эсрэг эмчилгээнд хамрагдаж байсан бол 2016 оны 12 сар гэхэд 17 сая болсон байна. 2010 онд ХДХВ-ийн халдвартай насанд хүрэгсдийн ретровирусын эсрэг эмчилгээний хамрагдалт 23% байсан бол 2015 онд 46% болж нэмэгдсэн байна.
• 1,1 САЯ ХҮН ДОХ-ЫН УЛМААС НАС БАРСАН.
ДОХ-ын шалтгаант нас баралт хамгийн өндөр байсан 2005 онтой харьцуулахад 45%-иар буурчээ. 2005 онд 2 сая ДОХ-ын шалтгаант нас баралт бүртгэгдэж байсан бол 2015 онд 1.1 сая болж буурчээ. Улс орнууд 2030 он гэхэд ХДХВ-ийн халдварын тархалтыг хяналтандаа авч, цаашид ямар ч улс орны хувьд нийгмийн эрүүл мэндийн тулгамдсан асуудал биш болох зорилт тавин ажиллаж байна.

Монгол Улсад 2016 он:
2016 оны 11 дүгээр сарын байдлаар ХДХВ/ДОХ-ын нийт 218 тохиолдол бүртгэгдсэн байна. Бүртгэгдсэн тохиолдлуудыг авч үзвэл ХДХВ-ийн халдварын тархалт нийт хүн амын дунд 0.1 хувиас бага, харин 2014 онд хийсэн ХДХВ, БЗДХ-ын тандалтын судалгаа”-ны дүнгээр эрсдэлт бүлгийн хүн ам буюу эрчүүдтэй бэлгийн хавьталд ордог эрчүүдийн (ЭБЭ) дунд ХДХВ-ийн халдварын тархалтын түвшин 12% байгаа нь манай улс Дэлхийн эрүүл мэндийн байгууллага (ДЭМБ)-ын ангиллаар нийт хүн амын дунд ХДХВ-ийн халдварын тархалт багатай, харин эрсдэлт бүлгийн хүн амын дунд төвлөрсөн тархалттай орны тоонд орсон байна.
2016 онд хийгдсэн шинэчилсэн тооцооллоор 15-49 насныхны дунд ХДХВ-ийн халдвартай 457 хүн байж болох тооцоолол байна. Энэ нь ХДХВ-ийн халдвараар бүртгэгдсэн 2 хүний ард 3 оношлогдоогүй хүн байна гэсэн тооцоо юм.
Бүртгэгдсэн ХДХВ-ийн бүртгэгдсэн тохиолдлуудын 62%-ийг 25-34 насны залуучууд эзэлж, 99% нь бэлгийн замаар халдварлагдсан байна. Нас баралтын тохиолдол нийт 35 банйа. ХДХВ/ДОХ-ын нийт бүртгэгдсэн тохиолдлын 80% нь эрэгтэйчүүд эзэлж байгаа ба үүний бараг 80% нь ЭБЭ-үүд байна.
Халдвар авсан хүмүүсээс эмчилгээнд цаг алдалгүй орох нь наслалтыг уртасгаж, хүн амын дундаж нас руу ойртуулж, хүндрэл эрсдэлээс сэргийлэх нь тогтоогдоод байна. Иймээс 15-49 насны нөхөн үржихүйн насны бэлгийн идэвхитэй амьдралтай хүмүүс жилд нэг удаа шинжилгээнд хамрагдах шаардлагатай.

дэлгэрэнгүй

Аймгийн Нэгдсэн эмнэлгийн Рентген аппаратны асуудлыг Эрүүл мэндийн яаманд 2015 оноос хойш удаа дараа хүсэлт тавьсны үндсэн дээр энэ оны 11 сард шийдвэрлэн, улсын төсвийн 169 сая төгрөгний хөрөнгө оруулалтаар аналоги системтэй Рентген аппараттай болж, оношилгоонд ашиглаж эхэллээ.

дэлгэрэнгүй

Эрүүл мэндийн яам, Халдварт өвчин судлалын үндэсний төв, аймгуудын Эрүүл мэндийн газар, Статистикийн үндэсний хороо хамтран Дэлхийн эрүүл мэндийн байгууллагын дэмжлэгтэйгээр үндэсний хэмжээнд 6 сартайгаас 35 хүртэлх насны иргэдийн дунд “Улаанбурхан-улаануудын эсрэг дархлал тогтцын түвшингийн судалгаа”-г Улаанбаатар хот, 21 аймгийн 6030 өрхийн 6 сартайгаас 35 хүртэлх насны нийт 3984 хүнийг хамруулан зохион байгуулж байгаа билээ.

Судалгаанд хамрагдах аймгийн сум, баг, өрхийг санамсаргүй түүврийн аргаар гаргасан ба манай аймгийн Эрдэнэдалай, Дэрэн, Дэлгэрхангай, Говь-Угтаал, Хулд, Сайнцагаан сумдын баг, өрх сонгогдсон юм.

Эрүүл мэндийн газраас тус сумдад ажиллах багийн сувилагч, лаборант нарт “Улаанбурхан, улаануудын эсрэг дархлал тогтцын түвшингийн судалгааны сорьц авах, хадгалах, тээвэрлэх” сэдэвт сургалтыг 2016 оны 11 сарын 14-ны өдөр хийж, арга зүйгээр хангалаа.

Мөн сорьц авах, тээвэрлэхэд хэрэглэгдэх сорьц зөөврийн сав, цус авах вакумтенерийн хуруу шил, вакумтенерийн зүү, чангалуур, спирттэй хөвөн, бээлий, лент, аюулгүй хайрцаг, хог хаягдлын уут, урьдчилан бэлтгэсэн сорьцын дугаар, сорьцын бүртгэлийн хуудас, мөсөн элемент зэргийг баг бүрт олголоо.

Сургалтанд 6 сумын багт ажиллах сувилагч, лаборант болон сумдын ЭМТөвийн эрхлэгч нийт 18 хүн хамрагдлаа.

 

 

дэлгэрэнгүй

Эрүүл мэндийн газрын даргын 2016 оны оны 09 дүгээр сарын 22-ны өдрийн А/83 тоот тушаалын хэрэгжилтийг хангаж, эмнэлэг, эрүүл мэндийн төвүүдийн эх, хүүхдэд үзүүлж байгаа тусламж, үйлчилгээнд “Дэмжлэгт хяналт”-ыг хийлээ. Тушаалд заагдсаны дагуу эх, хүүхдийн тусламж, үйлчилгээний чиглэлээр батлагдсан тушаал, шийдвэрийн хэрэгжилтийг үнэлэх, эмнэлзүйн удирдамж, журам, зааврын мөрдөлтөнд хяналт , үнэлгээ хийх ажлыг 12 эмнэлэг, эрүүл мэндийн төвүүдэд хийж, мэргэжил арга зүйн зөвлөмжийг өгч ажиллалаа. Үзлэгт нийт 2280 нөхөн үржихүйн насны эмэгтэйчүүд хамрагдсан ба эрсдэлт бүлгийн эмэгтэйчүүдийн 62.3% нь хамрагдаж, шинээр жирэмсэн эмэгтэй 8 илрүүлж, ЖСАХ-д 96 эмэгтэйг хамруулсан байна.Дотрын эмчийн үзлэгийн 70-80%-ийг ХБТЭ, ШБТЭ эзэлж байсан ба бамбайн булчирхайн эмгэг-9, элэгний хатуурал-5, ходоодны шарх сэжигтэй-10, цусны эмгэг-1, зүрх судасны дутагдал-1, элэгний үрэвсэл-10, чихрийн шижин-2, арьсны өвчин-1, астма-2 зэргийг оношилж, зөвлөгөөг өгч ажиллалаа.ЭХО-ийн шинжилгээгээр цөсний чулуу-10, бөөрний суналт-1, элэгний гемангиом-4, элэгний уйланхай-1, элэгний хавдар-1, бөөрний уйланхай-1 нийт 18 тохиолдлыг шинээр илрүүлж, холбогдох эмч нарын хяналтанд шилжүүллээ. Хүүхдийн эмчийн үзлэгт нийт 854 хүүхэд хамрагдсанаас зүрхний гажиг-10, тураал-23, хүнд хэлбэрийн рахит-51, цус багадалт-29, васкулит-1 нийт 114 өвчлөлийг шинээр илрүүлж, эрүүлжүүлэх төлөвлөгөөг гаргаж, сумдын эмч нарын хяналтанд хариуцуулан өглөө. Хүүхдийн эндэгдлийг магадлан хэлэлцэх ажлын хэсэг Дэлгэрхангай, Адаацаг, Эрдэнэдалай сумдад ажиллаж, эх хүүхдийн тусламж, үйлчилгээнд хяналт үнэлгээ хийж, “Амьсгалын дутмагшлын хэлбэрүүд”, “Дутуу болон бага жинтэй нярайн эмчилгээ, асаргаа сувилгаа”, “Амьсгал хямралын хам шинж” сэдвүүдээр ажлын байрны сургалтыг зохион байгууллаа.

дэлгэрэнгүй
Хуудас:  1   2   3   4   5  .... ( 118 мэдээ )

Цахим санал, өргөдлийн систем

www.7059106.mn

Санал хүсэлт илгээх

Санал асуулга

ҮХАА-н газрын үйл ажиллагааны хэрэгжилтэд Та ямар үнэлгээ өгөх вэ?

Үр дүнг харуулах