Дундговь аймгийн Засаг Даргын Тамгын Газар

Хуудас:  1   2   3   4   5  .... ( 418 мэдээ )

Нийслэлийн Засаг дарга бөгөөд Улаанбаатар хотын захирагч С.Батболд захирамж гаргасны дагуу нийслэлд байнга оршин суухаар ирэх иргэдийн шилжилт хөдөлгөөнийг 2017 оны 3 дугаар сарын 02-ны өдрөөс эхлэн 2018 оны 1 сарын 01-ний өдрийг хүртэлх хугацаанд түр зогсоосон билээ. Энэхүү захирамж нь Улаанбаатар хотын агаарын бохирдлыг бууруулахаар авч буй арга хэмжээний нэг бөгөөд нийслэлийн нутаг дэвсгэр дэх суурьшлын бүсээс бусад газар нутагт иргэдэд газар өмчлүүлэх, эзэмшүүлэх, ашиглуулах, шинээр олгохыг түр зогсоож байгаа юм. Иргэний жилжилт хөдөлгөөний бүртгэлийг орон сууц өмчлөх эрхийн гэрчилгээ, эрүүл мэндийн тусламж үйлчилгээ авах зайлшгүй шаардлагатай талаарх аймгийн нэгдсэн эмнэлгийн магадлагаа зэргийг үндэслэн бүртгэхийг аймаг, нийслэл, дүүргийн бүртгэлийн газарт үүрэг болгосон байна.

дэлгэрэнгүй

Нутгийн хөгжлийг дэмжигч уриатай “Нутаг 21” телевиз нь 21 аймгийн хөгжлийн тухай цуврал нэвтрүүлэг бэлтгэж байгаа бөгөөд энэ удаа манай аймагт хүрэлцэн ирж Засаг дарга О. Бат-Эрдэнэтэй мөрийн хөтөлбөр, үндсэн чиглэлийн талаар болон орон нутгийн хөгжлийн шийдэл гэсэн сэдвээр ярилцлага авлаа. Мөн ХОХБТХ-ийн ахлах мэргэжилтэн П.Очирбат, ХХҮГ-ын дарга Г.Хишигдаваа нартай уулзаж аймаг орон нутгийн бүтээн байгуулалт, хөрөнгө оруулалт, ажлын байр, орон нутгийн нөөц боломж, цаашид ямар чиг хандлагатай байгаа талаар ярилцлаа. Удахгүй Нутаг 21 телевизийн сувгаар манай аймгийн тухай “Хөгжлийн шийдэл 21”, “Нутгийн хөгжил 21” гэсэн хоёр цуврал нэвтрүүлэг бэлтгэгдэн гарах юм.

дэлгэрэнгүй

Дундговь аймгийн төв хөдөөгийн нийт 66 Багийн Засаг дарга нарын сургалт өнөөдөр болж байна. Сургалт 3 хоног үргэлжилэх бөгөөд Багийн Засаг дарга нарыг чадавхжуулж дадлагажуулах, 2017 онд болон цаашид хэрэгжүүлэх ажил, арга хэмжээний талаар арга зүйн зөвлөгөө өгөх зорилготой юм. Өнөөдрийн сургалтаар ТЗУХ-ийн ахлах мэргэжилтэн Г.Бадамсүрэн “Багийн Засаг дарга нарын ажлын байрны тодорхойлолт, ҮДГэрээ байгуулах тухай", Архивын тасгийн дарга П.Алтанчимэг “Албан хэрэг хөтлөлтийн журам”, ОБГ-ын мэргэжилтэн Б.Цэрэнням “Гамшигаас хамгаалах менежмент”, МХГ-ын улсын байцаагч Т.Саранчимэг “Мэргэжлийн хяналтын байгууллагаас Багийн Засаг дарга нартай хамтарч ажиллах чиглэл”, УЗН-ийн дарга Д.Сампил “Улаан загалмайн нийгэмлэгийн үйл ажиллагааг анхан шатанд зохион байгуулах” ЦШ-ын дарга хурандаа Б.Амаржаргал “Цэргийн шинэчилсэн тоо бүртгэлийг анхан шатанд зохион байгуулах тухай” ХЭЗХ-ийн дарга Б.Түвшинбаяр “Бүх нийтийн эрх зүйн боловсролыг дээшлүүлэх төрийн бодлого, багийн засаг дарга нарын үүрэг оролцоо” ХЭЗХ-ийн ахлах мэргэжилтэн С.Цэнгэлмаа “ Авлигатай тэмцэх үндэсний хөтөлбөр, ХАСУМ, ХАСХОМ-ийг гаргах эрх зүйн зохицуулалт, анхаарах асуудлууд” Хүний эрхийн үндэсний комиссын төлөөлөгч Т.Баярцэцэг Хууль зүйн туслалцааны өмгөөлөгч Г.Лхам “ Хүний эрхийг хамгаалах асуудал, төлбөрийн чадваргүй иргэдэд хууль зүйн туслалцаа үзүүлэх, хууль тогтоомж”, УБХ-ийн дарга Ж.Өлзийжаргал “Хүн ам, өрхийн болон хаягийн бүртгэлд анхаарах асуудал”, СТСХ-ийн мэргэжилтэн С.Адъяасүрэн “ Даатгалын тухай ерөнхий ойлголт”, ТХ-ын дарга М.Туяацэцэг “Татварын орлогын бүрдүүлэлтийн тухай”, ХХҮГ-ын дарга Г.Хишигдаваа “Хөдөлмөр эрхлэлтийг дэмжих төсөл хөтөлбөр болон нийгмийн халамж үйлчилгээний чанар хүртээмж”, НБХ-ийн мэргэжилтэн Д.Төмөртогтох “Ахмадын талаар баримтлах бодлого чиглэл”, ХОХБТХ-ийн мэргэжилтэн П.Очирбат “ОНХС-ийн хөрөнгөөр хийгдэх хөрөнгө оруулалт, төсөл хөтөлбөр, арга хэмжээнд иргэдээс санал авах”, ХХҮҮГ-ын дарга Б.Мөнхжаргал “Багийн Засаг дарга нарыг үүрэгжүүлэх тухай” БОАЖГ-ын мэргэжилтэн Д.Ганцацрал “Орчны бохирдлыг бууруулах, иргэдийн оролцоо, хог хаягдлын тухай хууль” гэсэн сэдвээр тус тус сургалт мэдээлэл хийж, арга зүйн зөвлөгөө өглөө.

  

дэлгэрэнгүй

Аймгийн Мэргэжлийн хяналтын газраас “Сумдын улсын байцаагчдын мэдлэг чадварыг дээшлүүлэх сургалт”-ыг улсын байцаагчдад шинэ хандлага, сэтгэлгээг эзэмшүүлэх, албан ажлаа үр дүнтэй хэрэгжүүлэхүйц мэдлэг чадвар, дадлыг бий болгох зорилгоор зохион байгууллаа. Сургалтын үеэр “Байгаль хамгаалах журмын эсрэг гэмт хэрэг” сэдвээр аймгийн Цагдаагийн газрын Эдийн засгийн төлөөлөгч Цагдаагийн дэслэгч А.Ганзориг, “Улсын байцаагчдын захиргааны зөрчлийн материал бүрдүүлэлт цаашид анхаарах асуудал” сэдвээр аймгийн прокурорын газрын Мөрдөн байцаах ажиллагаанд хяналт тавих хяналтын прокурор Б.Баянмөнх, “Захиргааны шийтгэвэр ноогдуулахад анхаарах асуудал” сэдвээр Дундговь аймаг дахь сум дундын шүүхийн шүүгч Б.Дэлгэрцэцэг нар сургалт зохион байгууллаа. Аймгийн мэргэжлийн хяналтын газрын байгаль орчин, геологи уул уурхайн хяналтын улсын байцаагчид төрөл бүрийн зөрчлийг тусгасан кэйс боловсруулан дадлага ажил хийлгэж онол, практикыг хослуулсан нь үр дүнтэй ажил боллоо. Сургалтын төгсгөлд аймгийн мэргэжлийн хяналтын газрын дарга, сумын Засаг дарга, улсын байцаагч нарын хооронд гуравласан гэрээ байгуулж гарын үсэг зурлаа.

дэлгэрэнгүй

Аймгийн Засаг даргын зөвлөлийн хурлаар “Ахмадад ээлтэй сум, байгууллага шалгаруулах” журмын дагуу байгууллагуудаас ирсэн ажлын тайланг хэлэлцэн Ахмадад ээлтэй сумаар Өндөршил сумыг шалгаруулсан бол Ахмадад ээлтэй байгууллагаар Мэргэжлийн хяналтын газар, Хүүхэд хөгжүүлэх 1-р цэцэрлэгийг шалгаруулж шагнах тухай Засаг даргын захирамж гарлаа.

дэлгэрэнгүй

Дундговь аймгийн Дэлгэрхангай сумын уугуул, Үндэсний Урлагийн Их Театрын гоцлол дуучин, Уртын дуучин С.Цогтсайхан нь мэргэжлийн урлагийн байгууллагад олон жил үр бүтээлтэй хөдөлмөрлөн, Монгол ардын урлагийг хөгжүүлэхэд үнэтэй хувь нэмрээ оруулж, Төрийн дээд шагнал “Монгол Улсын Гавьяат жүжигчин” цол хүртсэн тул Аймгийн Засаг даргын “Хүндэт өргөмжлөл” 500,000 төгрөгөөр шагнах тухай шийдвэрийг Засаг даргын зөвлөлийн хурлаар баталж А/76 тоот захирамж гарлаа.

дэлгэрэнгүй

Дундговь аймгийн уугуул Улаанбаатар хотын 1-р сургуулийн сурагч 13 настай Х. Итгэлт Итали улсын Сполето хотноо болох сонирхогчдын дэлхийн аварга шалгаруулах шатрын тэмцээнд Монгол улсаа төлөөлөн оролцох болсон тул Аймгийн Засаг даргын зүгээс санхүүгийн дэмжлэг үзүүлхээр боллоо. Х. Итгэлт нь “Мончесс” шатрын клубын тамирчин бөгөөд сүүлийн 2 жилийн хугацаанд шаргуу хичээллэсний үр дүнд тоглолтын ур чадвараа сайжруулж насанд хүрэгчдийн дотоодын болон олон улсын тэмцээнд өндөр амжилт үзүүлснээр олон улсын рейтинг нь 2062т хүрч Монголын өсвөрийн шатарчдын чансаанд тавд бичигдэх болсон байна. “Мончесс” шатрын клубын зүгээс Аймгийн Засаг даргад дэмжлэг үзүүлэх хүсэлт ирсний дагуу Олон улсын болон эх орондоо зохиогдсон шатрын тэмцээнүүдэд амжилттай оролцож байгаа шатарчин хүүгийн авъяас чадварыг үнэлэн Засаг даргын зөвлөлийн хурлаар санхүүгийн дэмжлэг үзүүлэх шийдвэр гарсан байна.

дэлгэрэнгүй

Дундговь аймгийн нутгийн захиргааны байгууллагын дэс түшмэл, туслах түшмэлийн ангиллын төрийн жинхэнэ албан тушаалын ажлын байрны сул орон тооны төрийн жинхэнэ албаны мэргэшлийн шалгалт боллоо. Дэс түшмэлийн 9, туслах түшмэлийн 8 ажлын байран дээр нийт 96 хүн бүртгүүлэн 22 хүн шалгалтанд тэнцсэн байна. 

 

дэлгэрэнгүй

Засаг даргын зөвлөлийн хурал болж 14 асуудал хэлэлцэн шийдвэрлэв. Аймгийн Засаг даргын захирамжийн төслийг хянах, баталгаажуулах, сумдын Засаг дарга, Аймгийн Засаг даргын эрхлэх асуудлын хүрээний хэлтэс, агентлагийн дарга нарын баталсан эрх зүйн актыг хянах журамыг хэлэлцэж шинэчлэн баталлаа. Ахмадад ээлтэй байгууллага, сум шалгаруулах журмын дагуу Аймгийн Мэргэжлийн хяналтын газар, Хүүхэд хөгжүүлэх 1-р цэцэрлэг, Өндөршил сумаас ирүүлсэн ажлын тайланг хэлэлцэн шалгаруулах шийдвэр гаргалаа. Мөн Дундговь аймгийн харьяат Улаанбаатар хотын 1-р сургуулийн сурагч Х.Итгэлд Азийн аваргын шатрын тэмцээнд явах зардалд дэмжлэг үзүүлэх, ХХААГ-ын малын вакцин хадгалах хөргүүрийн мотор шатаж вакцин хадгалалтын байдал онц хүнд байдалд орсонтой холбогдуулан яаралтай мотор солих зардал болон бусад үйл ажиллагааны зардалыг хэлэлцэн шийдвэрллээ.

дэлгэрэнгүй
Хуудас:  1   2   3   4   5  .... ( 418 мэдээ )

Цахим санал, өргөдлийн систем

www.7059106.mn

Санал хүсэлт илгээх

Санал асуулга

ҮХАА-н газрын үйл ажиллагааны хэрэгжилтэд Та ямар үнэлгээ өгөх вэ?

Үр дүнг харуулах