Дундговь аймгийн Засаг Даргын Тамгын Газар

Хуудас:  1   2   3   4   5  .... ( 476 мэдээ )

Өнөөдөр бүх хэсгийн  хороодод сонгуулийн нээлт 07:00 цагт эхэлж иргэд ерөнхийлөгчийн сонгуулийг өгч эхэллээ. Дундговь аймгийн тухайд  46 хэсгийн хороодод  29682    сонгогч саналаа өгөх юм. Эрхэм хүндэт сонгогчид Та бүхнийг Үндсэн хуулиар олгогдсон сонгох эрхээ эдэлж, 2017 оны 6 дугаар сарын 26-ны өдөр Монгол Улсын Төрийн тэргүүнээ сонгох сонгуульдаа идэвхтэй оролцохыг уриалж байна. Дундговь аймгийн сонгуулийн хороо 

дэлгэрэнгүй

2017 оны 07 сарын 1-ний өдрөөс хэрэгжиж эхлэх эрүүгийн хууль, зөрчлийн тухай, эрүүгийн хэрэг хянан шийдвэрлэх тухай, зөрчил шалган шийдвэрлэх тухай, шүүхийн шийдвэр гүйцэтгэх тухай, прокурорын тухай хуулиуд батлагдсантай холбогдуулан уг хуулиудын үзэл баримтлал, шинэ зохицуулалтын талаар холбогдох хуулийн байгууллагуудын албан тушаалтнуудад мэдлэг олгох, хуулийн үзэл баримтлалыг таниулах сургалт боллоо. Уг сургатыг хууль зүйн ямнаас зохион байгуулсан бөгөөд ХСИХ-ийн Цагдаагийн сургуулийн Мөрдөх албаны тэнхимийн багш, дэд хурандаа Б.Хишигтогтохоор ахлуулсан 9 багш 5 хоногийн турш сургалтыг явууллаа. Сургалтанд аймгийн хуулийн байгууллагуудын алба хаагчид хамрагдлаа.

дэлгэрэнгүй

Монгол улсын газрын үйл ажиллагааны хөтөлбөр, хөнгөн үйлдвэрийн салбарын бодлого, бүс нутгийн хөгжлийн зорилт, үйл ажиллагааг орон нутагт амжилттай хэрэгжүүлэх зорилгоор хүнс хөдөө аж ахуй хөнгөн үйлдвэрийн сайдын 2017 оны төсвийн багцад тусгагдсан хөрөнгө оруулалтын зардлаас Фургон маркийн авто машиныг аймгийн хөдөө аж ахуй газарт олгосныг өнөөдөр ХХААЯ-ны хөнгөн үйлдвэрийн газрын дарга Б.Батхүү гардуулж өглөө. Мөн энэ үеэр Дундговь аймгийн 15 сумын мал эмнэлэг үржлийн тасагт мотоцикль олгохоо мэдэгдэж батламж гардуулж өглөө. ХХААГ-ын дарга Б. Мөнхжаргал хэлэхдээ сумдын мал эмнэлэг үржлийн тасгаас хөдөөгүүр явж үйлчилгээ үзүүлхэд тулгамддаг асуудал нь унаа тэрэгний асуудал байдаг, мал эмнэлэг үржлийн тасгийн мэргэжилтнүүдийн ажил ихэвчлэн айлын хороо бууцанд өрнөдөг өөрөөр хэлбэл малын өвчлөлийн дуудлага, төлөвлөгөөт тарилга, туулга, вакцинжуулалт, угаалга гэх мэт тэдэнд хөдөөгүүр явах, малчны хотонд хүрч үйлчлэх шаардлага гардаг тиймээс унаажуулснаар энэхүү тулгамдсан асуудлыг шийдвэрлэж, хөдөөд хүрч ажиллах боломж бүрдэнэ гэлээ.

дэлгэрэнгүй

Аймгийн Засаг даргын тамгын газрын харъяа нийгмийн салбарын байгууллагууд хамтран иргэдэд төрийн үйлчилгээг ойртуулсан нээлттэй хаалганы өдөрлөг зохион байгууллаа. Өдөрлөгт аймгийн Засаг дарга О.Бат-Эрдэнэ оролцлоо. Нээлттэй хаалганы өдөрлөгт хөдөлмөр халамж үйлчилгээний газар, эрүүл мэндийн нийгмийн даатгалын хэлтэс, гэр бүл хүүхэд залуучуудын хөгжлийн газар, мэргэжил сургалт үйлдвэрийн төв оролцож шинэ тутам хэрэгжүүлж буй бодлого үйл ажиллагаагаа иргэдэд танилцуулж үйлчилгээ үзүүллээ.

дэлгэрэнгүй

Онцгой байдлын алба сурталчлах өдөрлөгийн хүрээнд нийт ард иргэдэд Онцгой байдлын албанд ашиглагдаж байгаа авто машин, техник, багаж хэрэгслийг танилцуулж гал түймэр унтраах аврах 25 дугаар ангийн бие бүрэлдэхүүн гал унтраах тархалтын болон аврах ажиллагааны үзүүлэх сургуулиудыг үзүүллээ. Мөн онцгой байдлын асуудал  эрхэлсэн байгууллага нэгдсэн тогтолцоонд шилжсэний 13 жилийн ойг тохиолдуулан онцгой байдлын ахлагч Э.Цэдэндамбаа, ахлагч Л.Буянбадрах, ахлагч Б.Энхболд нар хугацааны  ахлах  ахлагч цолоор, дэд ахлагч Б.Ууганбаяр хугацааны ахлагч цолоор шагнуулсныг гардууллаа.  Тус онцгой байдлын газар нь 2017 оны эхний хагас жилийн байдлаар тус газар нь 28 удаагийн гал түймэр, 211 удаагийн гамшиг  ослын дуудлага хүлээн авснаас 14 удаагийн гамшиг ослын дуудлагаар гарч ажиллан 3 хүний амь насыг, 10 удаагийн гал түймрийн хэрэг дээр ажиллан 31 сая төгрөгийн эд хөрөнгийг авран хамгаалж ажилласан байна.

дэлгэрэнгүй

Аймгийн Засаг дарга О.Бат-Эрдэнэ, НБХ-ийн дарга Ц.Эрдэнэсүрэн нар өнөөдөр аймгийн боловсролын салбарынхантай уулзалт хийлээ. Уулзалтаар аймгаас боловсролын салбарт баримталж буй бодлогыг танилцуулахын зэрэгцээ энэ хичээлийн жилийн зарим тэргүүн туршлагыг мэдээллээ. Мөн тэдний санал хүсэлтийг хүлээн авлаа. Багш нараас шилдэг багш шалгаруулах журам, багш солилцоо, залуу багш нарыг чадавхижуулах, цэцэрлэгийн багш нарыг компьютержуулах, цэцэрлэгийн цагаан хэрэглэлийг шинэчилж сайжруулах, цэцэрлэг, сургуулийн орчинд хуулийн дагуу газар олгохгүй байх зэрэг санал хүсэлтүүд ирүүлж холбогдох хариуг хүлээн авлаа. Аймгийн Засаг дарга О.Бат-Эрдэнэ ирэх хичээлийн шинэ жилд аймгийн хэмжээнд 21 шилдэг багш шалгаруулж урамшуулана мөн сургууль, цэцэрлэгийн орчинд шинээр газар олгохгүй гэдгээ илэрхийлээд бусад ажил хэрэгч саналыг хүлээн авч цаашид боловсролын салбарын бодлогот тусгахыг НБХ-т үүрэг болголоо.

дэлгэрэнгүй

Элсэлтийн ерөнхий шалгалт өнөөдөр 12 цагаас орон даяар монгол хэл бичгийн шалгалтаар эхэллээ. Энэ жил Дундговь аймгаас 546 төгсөгч элсэлтийн ерөнхий шалгалт өгөхөөр бүртгүүлээд байна. Элсэгчдийн ихэнх нь математик, англи хэл, нийгмийн тухай мэдлэгийн шалгалт өгөхөөр бүртгүүлсэн бол хамгийн бага буюу 4 төгсөгч орос хэлний шалгалт өгөхөөр бүртгүүлжээ. Шалгалтыг эрдмийн далай цогцолбор сургуулийн 19 анги танхимд авч байна. Шалгуулагчид шалгалтын байранд ирэхдээ баталгаажуулсан бүртгэлийн хуудас, суудлын хуваарь, бүрэн дунд боловсролын үнэмлэх, түүнээс дээш боловсролын бичиг баримт , иргэний үнэмлэх эсвэл түүнтэй адилтгах бичиг баримт бүрдүүлэн ирнэ.

 

 
дэлгэрэнгүй

Монголын ноосон бүтээгдэхүүн үйлдвэрлэгчдийн холбоо , аймгийн ХХААГ, хоршоологчдын холбооноос хамтарсан уулзалт зохион байгууллаа.

Уулзалтын үеэр Монголын ноосон бүтээгдэхүүн үйлдвэрлэгчдийн холбоо, Аймгийн хоршоологчдын холбоо, Аймгийн хүнс хөдөө аж ахуйн газар хамтран ажиллах гэрээ байгуулав. Ноосыг Аймгийн хоршоологчдын холбооны сумдад байгаа гишүүн хоршоодоор дамжуулан худалдан авч үндэсний үйлдвэрт тушаах доод үнийг кг тутамд 1000₮ байхаар тохиролцов. Мөн сумдад ноос худалдан авах компаниудын ноосны урамшуулалын падааны хэмжээг хуваарилан өгөхөөр шийдвэрлэлээ. Хуралд монголын ноос, ноосон бүтээгдэхүүн үйлдвэрлэгчдийн холбооны захирал Ч.Эрдэнэбат “Могол ноос” ХХК, “Их онь” ХХК, “Сор кашмер” ХХК, “Чойр хайрхан” ХХК, “Мөнгөн пирамид” ХХК, “Лидер кашимер” ХХК, Аймгийн Засаг дарга О.Бат-Эрдэнэ, ХОХБТХ-ийн дарга Н.Эрдэнэ-Очир, аймгийн хоршоологчдын холбооны дарга Д.Чандмань, Аймгийн хүнс хөдөө аж ахуйн газрын дарга Б.Мөнхжаргал, сумдын хоршоод болон ХАА-н мэргэжилтэн, аймгийн ноос ноолуур түүхий эдийн ченж нарын төлөөл нийт 68 хүн оролцлоо.

дэлгэрэнгүй

Орхоны усан хангамж төслийн багийнхан Дундговь аймгийн удирдлагуудад төслөө танилцууллаа. Төсөл нь Орхон гол дээр урсацын тохируулга бүхий ус хуримтлуулах сан байгуулж голын урсацад олон жилийн тохируулга хийж, хур тунадас, үерийн усыг хуримтлуулан далд яндан хоолойгоор дамжуулан төв, суурин газрын хүн ам, хөдөө аж ахуй, экологийн ус хэрэглэгчдийн усан хангамжийг сайжруулах, Булган, Төв, Дундговь, Өмнөговь аймгуудаар дамжуулан говийн бүсийн аймгийг усаар хангах зорилготой юм. Төсөл хэрэгжсэнээр Мандалговь, Даланзадгад хотуудын болон 8 сумын төв, шугам хоолой дагуу байрлах бүс нутгийн усны асуудал шийдэгдэх юм. Дундговь аймгийн тухайд шугам, хоолой дамжин өнгөрөх сумдад төслийн мэдээллийг иргэдэд түгээх, төсөл хэрэгжүүлэхтэй холбоотой иргэдийн санал, хүсэлтийг хүлээн авах, хэлэлцүүлэг хийх ажлыг зохион байгуулхаар боллоо. Уг төслийг дэлхийн банкнаас санхүүжүүлэх юм.

дэлгэрэнгүй
Хуудас:  1   2   3   4   5  .... ( 476 мэдээ )

Цахим санал, өргөдлийн систем

www.7059106.mn

Санал хүсэлт илгээх

Санал асуулга

ҮХАА-н газрын үйл ажиллагааны хэрэгжилтэд Та ямар үнэлгээ өгөх вэ?

Үр дүнг харуулах