Эрдэнэдалай сумын биеийн тамир спортын төв нь анх 2007 онд байгуулагдаж 2008.02.01-ний өдрөөс эхлэн ашиглалтанд орж ажил үйлчилгээгээ явуулж эхэлсэн. Үндсэн ажилчид 3, гэрээт ажилчид 3 нийт 6 хүний бүрэлдэхүүнтэйгээр ажиллаж байна. Манай байгууллага тоглолтын том заал, ширээний теннисний өрөө зэрэг байранд зохих зааврын дагуу нийтийн биеийн тамирын чиглэлээр үйлчилгээ явуулж жилд 2 сая төгрөгний орлого төлөвлөгөөтэйгөөр байгууллагын үйл ажиллагааг тасралтгүй хэвийн явуулж байна. Биеийн тамир спортын төв нь нийтийн биеийн тамирын чиглэлээр дасгал сургуулилт уралдаан тэмцээн тогтмол явуулдгаас гадна, хөдөлгөөн эрүүл мэндийн талаар төрөл бүрийн аяныг өрнүүлэн сумын төвийн нийт албан газар аж ахуй нэгжүүдийг хамруулан ажлын бус цагаар төлөвлөгөө гарган 2 цаг үнэ төлбөргүй биеийн тамирын дасгал сургуулилт хийлгэн 7 албан газар,18 аж ахуй нэгжийн 278 хүнд нийтийн биеийн тамираар 7 хоног бүр үйлчилгээ үзүүлж хэвшээд байна. Мөн ахмад настан, хөгжлийн бэрхшээлтэй иргэдэд үнэ төлбөргүй үйлчилж, бүсийн томоохон уралдаан тэмцээнүүдийг үнэ төлбөргүй явуулж байна. Биеийн тамир спортын 7 төрлөөр 7 хоног бүр секц дугуйлан үнэ төлбөргүй хичээллүүлж байна. Цаашид спортын төв байр танхим болон бусад үйл ажиллагаагаа өргөжүүлэн хөгжүүлж Дундговь аймгийн баруун бүсийн сумдуудын дунд явагдах спортын төрлийн уралдаан тэмцээнүүдийг төвлөрүүүлэн явуулж байх бүсийн төв болгох зорилготой ажиллаж байна.
