Алба хаагчдыг сургаж дадлагажуулах хувийн мэргэжил ур чадварыг дээшлүүлэх ажлын хүрээнд 2017- 2018 оны хичээлийн жилд Мэргэжил сургалт үйлдвэрлэлийн төвтэй хамтран ажиллах гэрээ байгуулан “Нарийн бичгийн дарга- бичиг хэргийн ажилтан”, “Хүнд машин механизмын засвар”-ын 1 жилийн ангид 11 алба хаагч элсэн орж амжилттай суралцаж төгсөн өнөөдөр мэргэжлийн үнэмлэхээ гардаж авлаа.
Нийт төгсөгчдөдөө цаашдын ажил хөдөлмөрт нь өндөр амжилт хүсье.
ДУНДГОВЬ АЙМГИЙН ОНЦГОЙ БАЙДЛЫН ГАЗАР
Иргэн та доорх линкээр орж санал, асуулгад идэвхитэй оролцоно уУ
https://docs.google.com/forms/d/e/1FAIpQLSfSrsTVrPBMukABrqhgTeCIpH-sGRA1ip66h3aiJtPUkE0zpQ/viewform
Шинэ жилийн баяр ойртож аж ахуй нэгж байгууллагын баяр ёслол цэнгүүний үйл ажиллагаа эхэлж байгаатай холбогдуулан ард иргэдэд зөвлөж байна.
Иргэд пиротехникийн хэрэгслийг зөвшөөрөлгүй газраас худалдан авч, улмаар салют буудуулах, сүлд модыг чимэглэхдээ мэргэжлийн бус хүнээр дур мэдэн хийлгэдгээс болж эрүүл мэнд болоод эд хөрөнгөөрөө хохирох тохиолдол сүүлийн жилүүдэд эрс нэмэгдэж байгаа билээ.
Иймд та бүхэн:
1. Чанар, аюулгүйн шаардлага, хаана хэзээ үйлдвэрлэгдсэн, ямар заавраар хэрхэн хэрэглэх нь тодорхой бус пиротехникийн хэрэгсэл /салют/ гар дээрээс худалдан авахгүй байх.
2. Аж ахуйн нэгж, байгууллагууд нь шинэ жилийн баяраар олон нийтийг хамарсан арга хэмжээнд хэрэглэгдэх пиротехникийн хэрэгслийг тусгай зөвшөөрөлтэй худалдааны байгууллагаас авч ашиглах, гал түймэр гарах, хүний эрүүл мэндэд сөрөг нөлөө үзүүлэхээс урьдчилан сэргийлж мэргэжлийн байгууллага, хүнээр ажиллуулах.
3. Цагаан бенгалын галыг хялбар шатах материалын ойролцоо цацруулахгүй байх. Цацарч дууссаны дараа /шатамхай цаас, саа, хөвөн гэх мэт/ зүйл дээр хаяхгүй байх
4. Бага насны хүүхдэд пиротехникийн хэрэгсэл худалдаалах, ашиглуулахыг хориглох.
5. Пиротехникийн хэрэгслийн ашиглалтын аюулгүй байдлыг хатуу сахин биелүүлж, болзошгүй эрсдэлээс урьдчилан сэргийлэхийг анхааруулж байна.
ДУНДГОВЬ АЙМГИЙН ОНЦГОЙ БАЙДЛЫН ГАЗАР
2018 оны 12-р сарын 12-ноос 12-р сарын 19-нийг хүртэлх
7 хоногийн ЦАГ АГААРЫН ТөЛөВ
18-нд зарим газраар бага зэргийн цас орж, салхи баруун хойноос секундэд 12-14 метр хүрч цасан шуурга шуурна. Шөнөдөө ихэнх нутгаар 19-24 градус, өдөртөө 6-11 градус хүйтэн байна. УЦУОШ Төв
“Гал түймрийн аюулаас урьдчилан сэргийлье” сэдэвт нэгдсэн арга хэмжээг Сайнцагаан суманд зохион байгуулж байна.
Тус арга хэмжээгээр Дундговь аймгийн нутаг дэвсгэрт байрлаж байгаа аж ахуй нэгж байгууллага болон гэр хорооллын айл өрхүүдэд галын аюулгүй байдлын үзлэг шалгалт явуулж галын аюулаас урьдчилан сэргийлэх үйл ажиллагааг эрчимжүүлэх, гал түймрийн аюулаас урьдчилан сэргийлэх талаар мэдлэг олгоход чиглэгдсэн юм.
ДУНДГОВЬ АЙМГИЙН ОНЦГОЙ БАЙДЛЫН ГАЗАР
Дэлхийн 180 гаруй улс жил бүрийн 11 дүгээр сарын 25-наас 12 дугаар сарын 10-ны өдрүүдэд “Жендэрт суурилсан хүчирхийлэлтэй тэмцэх 16 хоногийн аян”-ыг нэгдмэл зорилго, нэг уриан дор тэмдэглэн өнгөрүүлдэг. Монгол Улс тус аяныг төр, төрийн бус байгууллага, олон улсын байгууллагуудтай хамтран 20 дахь жилдээ тодорхой сэдвийн дор зохион байгуулж байна. Энэхүү аяны зорилго нь хөвгүүд, эрчүүдийн оролцоог хангах замаар охид, эмэгтэйчүүдийн эсрэг үйлдэгдэж буй аливаа хүчирхийллийн эсрэг хөдөлгөөнд нэгдэж, хэзээ ч “хүчирхийлэл үйлдэхгүй, хүчирхийллийн хажуугаар чимээгүй өнгөрөхгүй” хэмээн илэрхийлдэг болно.дэлгэрэнгүй . .
Аймгийн засаг даргын нэрэмжит Гамшгаас хамгаалах бэлэн байдлын үзлэгийг "Улаан загалмайн хороо"-той хамтран Сайнцагаан суманд зохион байгууллаа.
Үзлэгээр сумын Онцгой комисс, мэргэжлийн ангийн бүрэлдэхүүний хувийн болон техник хэрэгсэл багаж зэвсэглэмжийн бэлтгэл бэлэн байдал, гамшгаас хамгаалах төлөвлөгөөний хэрэгжилтийг шалгаж “Гамшгаас хамгаалах тухай, Галын аюулгүй байдлын тухай хууль”, “Гамшгийн тухай ойлголт”, “Анхны тусламж”-ын сэдвээр 5 цагийн багц сургалтыг явуулж мэргэжил арга зүйн заавар зөвлөмж өглөө.
Бэлэн байдлын үзлэг шалгалтыг зохион байгуулснаар Сайнцагаан сумын мэргэжлийн ангийн бүрэлдэхүүний гамшгийн үед үүрэг гүйцэтгэх чадамж, бэлтгэл бэлэн байдлыг дээшлүүлсэн.
ДУНДГОВЬ АЙМГИЙН ОНЦГОЙ БАЙДЛЫН ГАЗАР
2018 оны 11 сарын 28-нд Сайнцагаан сумын ахмадын хороотой хамтран Сайнцагаан сумын ахмадуудын цуглаанд ахлах мэргэжилтэн Т.Бямбасүрэн, мэргэжилтэн С.Доржханд нар аймгийн нийгэм эдийн засгийн сүүлийн үеийн мэдээ, мэдээлэл болон статистик мэдээллийн Өврийн дэвтрийг танилцууллаа. Мөн ахмадуудын сонирхсон асуултанд хариулж, Дундговь аймгийн ахмадууд сэдэвт инфографик болон 2018 оны 3-р улирлын инфографикыг тараалаа.
Ажлын нэр, байршил: Сайнцагаан сум Мандалговь хотын хаягийн тэмдэг суурилуулах ажил
Гүйцэтгэгч: "Мэп сүрвэй" ХХК
Зураг төсөл зохиогч байгууллага: "Геокад" ХХК, Газрын харилцаа, барилга, хот байгуулалтын газар
Хөрөнгө оруулалтын эх үүсвэр, төсөвт өртөг: Орон нутгийн төсөв, 50 сая төгрөг
Ажлын явц: 40%
2018 оны 12 сарын 04-ний өдрийн байдлаар 14 байршилд 60 ширхэг гудамжны чиглэлийн тэмдэг байрлуулсан, барилгын хаяг суурилуулах ажил бэлтгэгдсэн байна. Хаягийн тэмдгийг суурилуулахдаа хаягийн мэдээллийн сангийн дагуу байрлуулах, тэмдэг тэмдэглэгээг норм стандартын дагуу гүйцэтгэх, хөдөлмөр хамгаалал, техникийн аюулгүй ажиллагааг мөрдөж ажиллах талаар үүрэг даалгавар, зөвлөмж өгч ажиллалаа.
Хяналт гүйцэтгэсэн: Ж. Элбэгзаяа
Аймгийн тусгайлсан чиг үүрэг бүхий байгууллагуудын дарга нар санаачлан төр, хувийн хэвшилийн байгууллагуудын дарга, эрхлэгч нарын нийт 102 хүнийг хамруулсан спортын олон төрөлт тэмцээн зохион байгуулан, шагналын сангаараа хүмүүнлэгийн аян өрнүүлж орон нутагтаа тогтвор суурьшилтай ажиллаж, амьдарч байгаа төрийн албан хаагч болон зорилтот бүлгийн иргэдийн нийгмийн баталгааг сайжруулах, эдийн засгийн дэмжлэг үзүүлэх, урам зоригийг сэргээх зорилгоор 5 ханатай, иж бүрэн, эрээн, гэр 2 иргэнд гардуулан өглөө.
Манай албаны туслах ажилтан, д/а Ц.Цэвэлмаад нэг гэрийг гардуулан өгсөн Аймгийн ИТХ-ын дарга, Засаг дарга нар болон зохион байгуулагчид, оролцогч нарт албаны хамт олны зүгээс баярласнаа илэрхийлж байна.
10-нд ихэнх нутгаар цас орж, салхи баруун хойноос секундэд 12-14 метр хүрч цасан шуурга шуурна. Ихэнх хугацаанд шөнөдөө 25-30 градус, өдөртөө 13-18 градус хүйтэн байна. УЦУОШ Төв
"Эрүүл мэндийг дэмжих жил"-ийн хүрээнд Монголчуудын цайны соёлыг сурталчлах, өвлөн уламжлах, түгээн дэлгэрүүлэх зорилгоор "Цайны соёлын өдөрлөг"-ийг зохион байгууллаа. дэлгэрэнгүй . .
