Эрдэнэдалай сумын сум дундын эмнэлэг нь 732,1 га газар нутагт 1710 өрхийн 5926 хүнд амд, хөдөөгийн 6 баг, төвийн 1 багт 20-120 км-ийн радиуст эмнэлгийн анхан шатны тусламж үйлчилгээ үзүүлэхээс гадна аймгийнхаа баруун талын Дэлгэрхангай, Сайхан-Овоо сумын, хойд болон баруун хойд талаараа Өвөрхангай аймгийн Цант, Баян-Өндөр, Төв аймгийн Бүрэн, Дэлгэрхаан сумын 10000 орчим малчид хөдөлмөрчид, оторчдод тусламж үйлчилгээ үзүүлж ажилладаг. Манай эмнэлэг нь 6 их эмч, 5 бага эмч, 1 статистикч, 1 лаборант , 1 нийгмийн ажилтан, бусад үйлчилгээний ажилчид нийт 36 орон тоотой ажиллаж байна.
Тус эмнэлэг нь 1934 онд санитар Нацагийн санаачлагаар тэс сумын Өвөр-Угтаал гэдэг газар сувилагч, галч гэсэн орон тоотойгоор анхны шаваа тавьсан юм. 1934-1940 он хүртэл Нацаг, 1941-1957 онд Батбуян, Шаалуу, Дамба гэсэн боловсон хүчинтэй бага эмчийн салбар байгуулагдан ажиллаж байгаад, 1957-1964 он хүртэл их эмч Цэрэнраш эрхлэгчтэй их эмчийн салбар болон 13 ортой, 14 ажилтантай ажиллах болсон. 1965-1966 онд их эмч Чулуун, 1967-1990 онд их эмч Х.Чимэд, 1990-1996 онд их эмч Н.Цэцэгмаа, 1997-1999 он их эмч Б.Дэлгэрмаа, 2000 онд их эмч Ч.Дондог, 2001-2006 онд хүний гавъяат эмч Х.Чимэд, 2006-2016 онд их эмч Б.Оюун, 2016 оноос их эмч Д.Батцэцэг нар ерөнхий эмчээр ажилласан бөгөөд их эмч Д.Батцэцэг хүүхэд асрах чөлөөтэй байгаа учир 2018 онд их эмч Л.Отгонтуяа, 2018-2019 онд их эмч Т.Саруултуяа, 2019 онд их эмч Г.Амар, 2020 онд их эмч Э.Насандэлгэр нар ерөнхий эмчийн үүргийг гүйцэтгэн ажиллаж байна.дэлгэрэнгүй . .
