Тус сумын орон нутгийн хөгжлийн сангийн хөрөнгө оруулалтаар Морьт, Хонгор, Ажирхай, Өрнөлт багуудад гүн өрмийн худаг гаргах ажлыг бүлэг сонгон шалгаруулалтын журмаар зарлаж Эхний Эхэн ХХК-тай гэрээ байгуулан ажиллалаа. 2021 оны орон нутгийн хөгжлийн сангийн хөрөнгө оруулалтаар хийгдсэн гүн өрмийн худгийг хүлээн авах комиссыг 5 хүний бүрэлдэхүүнтэй томилон гүйцэтгэлийг актаар хүлээн авлаа.
Аймгийн хөрөнгө оруулалтаар тус сумын нийтийн эзэмшлийн талбайд 1 га-д ойн зурвас байгуулах гэрээг байгуулж, Аймгийн Байгаль орчин, аялал жуулчлалын газар, Сум дундын ойн ангиас 1 га нь ойн зурвасыг хүлээн авах ажлыг зохион байгуулж, амьдын ургалтыг 75%-тай хүлээлгэн өглөө.
Говь-Угтаал сумын гэр бүлийн зөвлөлөөс хүүхэд бүрийн төлөө хариуцлагатай байя аянд нэгдэж ЗДТГазраас удирдамж боловсруулан батлуулж, байгууллагын албан хаагчдын гэр бүлийн дунд тэмцээн уралдааныг зохион байгууллаа.
Аймгийн ИТХ-аас зохион байгуулсан гэмт хэргээс урьдчилан сэргийлэх зөвлөлийн гишүүдийг чадавхжуулах сургалтанд гэмт хэргээс урьдчилан сэргийлэх зөвлөлийн 5 гишүүн оролцлоо.
Аймгийн Засаг даргын тамгын газар, нийгмийн хөгжлийн хэлтсээс зохион байгуулсан албаны мэйл нээх арга аргачлалын талаар сургалтанд засаг даргын орлогч, нийгмийн бодлогын мэргэжилтний хамт оролцлоо.
Гэр бүл, хүүхэд залуучдуудын газраас зохион байгуулсан 15 сумын хамтарсан багийн гишүүдийг чадавхжуулах сургалтанд сургуулийн нийгмийн ажилтан, нийгмийн бодлогын мэргэжилтэн нар оролцлоо.
Хүүхдийн эрхийн тухай хуулиар гарын авлага материал бэлтгэн иргэдэд хуулийн мэдлэг өгч ажиллалаа.
Хүүхэд хамгааллын тухай хуулиар гарын авлага мэдээлэл бэлтгэж иргэд мэдээлэл хүргэж ажиллалаа.
Гэр бүлийн хүчирхийлэлтэй тэмцэх тухай хуулиар гар авлага хийж хамтарсан багийн гишүүд иргэдэд мэдээлэл хүргэж ажиллалаа.
Гэр бүлийн тухай хуулийг сурталчилах ажлын хүрээнд иргэдийг гарын авлага материалаар хангаж, хамтарсан багийн хүрээнд туршилтын өрхийн айл өрхүүдэд гарын авлага тараан өгч, хуулийн мэдээллийг хүргэж ажиллалаа.
Дундговь аймгийн Залуучуудын хөгжлийн төв, Хүүхэд гэр бүл хөгжлийн газраас зохион байгуулсан Club House сургалтанд сумын залуучуудын зөвлөлийн гишүүд оролцлоо.
Бэлчээрийн өөрчлөлтийг тодорхойлох фотомониторингийн ажлыг 2021 оны 08 дугаар сарын 12-13-ны өдрүүдэд зохион байгуулж, ургамлын дээжлэлтийг холбогдох газарт хүргүүллээ.
