сумын Орон нутгийн хөгжлийн сангийн хөрөнгө 6000000 төгрөгөөр Л.Очирпүрэвийн бүлэгтэй гэрээ байгуулж гүйцэтгүүлэн комисс хүлээн аваад байна.
“Халдварт өвчнөөс сэргийлэх, хянах” үндэсний хөтөлбөр, “Эрүүл иргэнтэй Дундговь” аймгийн дэд хөтөлбөрийн хүрээнд Монголын сумын эмч, мэргэжилтнүүдийн холбоотой хамтран сүрьеэ өвчний эрт илрүүлэлт, анхан шатны сумын эрүүл мэндийн төвийн үргэлжлэх шатны эмчилгээ, хяналтыг сайжруулах зорилгоор “Сүрьеэгүй-Адаацаг сум” зорилтыг дэвшүүлж, жишиг сумаар бэлтгэх сургалт, уулзалтыг 2020 оны 7 дугаар сарын 16-ны өдөр зохион байгуулж, Монголын сумын эмч, мэргэжилтний холбоо, Эрүүл мэндийн газар, Адаацаг сумын Засаг Даргын Тамгын Газар, Адаацаг сумын Эрүүл мэндийн төвийн хамтран ажиллах 4 талт гэрээг байгууллаа. Сургалт, уулзалтанд Монголын сумын эмч, мэргэжилтний холбооны ерөнхийлөгч, гүйцэтгэх захирал, сум хариуцсан мэргэжилтэн нар ирж аймгаас Эрүүл мэндийн газрын дарга, асуудал хариуцсан мэргэжилтэн, Адаацаг сумын Иргэдийн Төлөөлөгчийн Хурлын дарга, сумын Засаг даргын орлогч, сумын Засаг Даргын Тамгын Газрын дарга, Эрүүл мэндийн төвийн эмч, эмнэлгийн тусгай мэргэжилтнүүд болон Эрдэнэдалай сумын сум дундын эмнэлэг, Дэлгэрцогт сумын эрүүл мэндийн төвийн сүрьеэгийн тусламж үйлчилгээ хариуцсан эмч, сорьц тээвэрлэлт хариуцсан лаборант, сувилагч нар оролцлоо.
Сумын Орон нутгийн хөгжлийн сангийн хөрөнгө 6000000 төгрөгөөр Засаг даргын захирамжаар байгуулагдсан сумын үнэлгээний хороо Иргэн Н.Цэдэвдоржийг сонгон гэрээ байгуулж Согтуурлын зэрэг тогтоох багажийг хүлээн авсан байна.
Сумын Орон нутгийн хөгжлийн сангийн хөрөнгө 25000000 төгрөгөөр БАТМОН ХХК-г сонгон гэрээ байгуулж гүйцэтгүүлэн бохир соруулах автомашинаар хангагдаад байна.
Засгийн газрын 188 тогтоолоор батлагдсан “Монгол Улсын Их Хурлын 2020 оны ээлжит сонгууль зохион байгуулах үйл ажиллагааны явцад коронавируст халдварын цар тахлаас урьдчилан сэргийлэх” журмыг хэрэгжүүлэх ажлын хүрээнд хэсгийн хороодын дарга нарт Эрүүл мэндийн төвөөс зааварчилгаа өгч гарын авлага тараасан.
Сумын орон нутгийн хамгаалалтын төлөвлөгөөгөөг шинээр боловсруулах ажлын хэсгийг Сумын Засаг даргын захирамжаар батлуулж ажлын хэсэг нь Орон нутгийн хамгаалалтын төлөвлөгөөг хугацаанд нь гаргаж Аймгийн Засаг даргаар батлууллаа.
Сумын сайн малчны болзол хангаж Сумын сайн малчин болсон 4 малчин өрх, 2020 онд шинээр мянган мал тоолуулж Мянгат малчин болсон 10 малчин өрхийн гавъяа зүтгэлийг нь өндрөөр үнэлж шагналыг гардуулан өглөө.
Сумын соёлын төвөөс “Олон Улсын гэр бүлийн өдөр”-ийг тохиолдуулан “Миний гэр бүлийн аз жаргал” фото зургийн уралдааныг цахимаар зарлаж уралдаан гэр бүлүүд идэвхитэй оролцож байна.
“Адаацаг Соёлын төв” цахим хуудсаар дамжуулан бий биелгээний цахим сургалт, хөдөлгөөний дутагдлаас сэргийлэх ажлын байрны дасгалууд, ардын язгуур урлаг, угийн бичиг хөтлөхийн ач холбогдол, өмнө нь зохион байгуулсан урлаг соёлын үйл ажиллагаа зэргийг цахимаар сурталчилан ажиллаж байна.
Соёлын төвийн нийтийн номын сан нөхцөл байдалтай холбогдуулан Цахим хуудас нээж иргэдэд цахим уншлагаар үйлчилж байна. Энэхүү үйл ажиллагаа нь гэртээ байгаа эцэг эх хүүхдүүдэд ойртсон үйлчилгээ болж байна.
Отроор явсан малчид тухайн аймаг сумандаа хөөгдөж туугдан хүнд нөхцөлтэй байгаа учраас сумаас 2 ажлын хэсэг гарч оторчдоо эргэж нөхцөл байдалтай танилцахаар ажиллаж байна. мөн ажлын хэсгүүдэд Дунд сургуулийн багш нарийн төлөөлөл 1 хүн явж сурагчдын хичээл сургалтын үйл ажиллагаа болон сургуулийн зүгээс сурагчдад судлах гарын авлага даалгаварыг хүргэж байна.
Сумын төвийн хэмжээнд нийт албан байгууллага, айл өрхүүдийг нийтийн их цэвэрлэгээнд гарган орчны цэвэрлэгээг хийлгэлээ. Энэхүү ажилд төсвийн 5 байгууллагын албан хаагчид сумын төв дээр амьдардаг 200 гаруй өрх идэвхитэй оролцсон.
